شیرین دیل
نازلی شيرين ديل واريم، اؤزگه ديلی يازمارام
دوغراسالار دا منی، اؤز ديليمی آتمارام
جنّتی وئرسز من، دونيانی ساتساز منه
من آنامين ناز ديلين، باشقا ديله ساتمارام
شهريياريم دوز دئييب، قاتما ديلين ديللره
من بو گؤزل تورک ديلين، آيری ديله قاتمارام
باخ بو ديلين سايه‌سی، گزدی آديم ديللره
اولماسا گر بو ديليم، هئچ يئره من چاتمارام
اوندا کي من اؤلموشم، قورلايين اؤز يوردوما
چون بودور عادت منيم، اؤزگه يئره ياتمارام
قبريمين اوستونده سيز، تورکي بو شعری يازين
اؤز ديليمی آتمارام، باشقا ديله ساتمارام
| 